قازاقستان رەسپۋبليكاسى ۇلتتىق ەكونوميكا مينيسترلىگىنىڭ بۇيرىعى  №707

  2015 جىلعى 20 قاراشا, استانا قالاسى مەملەكەتتىك ينۆەستيتسيالار جانە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن وبەكتىلەر قۇرىلىسىنىڭ قۇنىن ايقىنداۋ قاعيدالارىن بەكىتۋ تۋرالى «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسى زاڭىنىڭ 20-بابىنىڭ 6-3) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك ينۆەستيتسيالار جانە كۆازيمەملەكەتتىك سەكتور سۋبەكتىلەرىنىڭ قاراجاتى ەسەبىنەن وبەكتىلەر قۇرىلىسىنىڭ قۇنىن ايقىنداۋ قاعيدالارى بەكىتىلسىن. 2. قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى ۇلتتىق ەكونوميكا مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن ۇلتتىق ەكونوميكا ۆيتسە-مينيسترىنە جۇكتەلسىن. 4. وسى بۇيرىق العاش رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ۇلتتىق ەكونوميكا ءمينيسترى ە. دوساەۆ «كەلىسىلگەن» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ء________________ا. يسەكەشەۆ 2015 جىلعى «____»___________ «كەلىسىلگەن» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ م.ا. ________________ا. راۋ 2015 جىلعى 26 قاراشا «كەلىسىلگەن» قازاقستان رەسپۋبليكاسىنىڭ قارجى ءمينيسترى ________________ب. سۇلتانوۆ 2015 جىلعى 27 قاراشا «كەلىسىلگەن» قازاقستان رەسپۋبليكاسىنىڭ مادەنيەت جانە سپورت ءمينيسترى ________________ا. مۇحامەدي ۇلى 2015 جىلعى 27 قاراشا «كەلىسىلگەن» قازاقستان رەسپۋبليكاسىنىڭ ەنەرگەتيكا ءمينيسترى ________________ۆ. شكولنيك 2015 جىلعى 25 قاراشا «كەلىسىلگەن» قازاقستان رەسپۋبليكاسىنىڭ قارجى ءمينيسترى ________________ب. سۇلتانوۆ 2015 جىلعى 27 قاراشا قازاقستان رەسپۋبليكاسى ۇلتتىق ەكونوميكا ءمينيسترىنىڭ 2015 جىلعى 20 قاراشاداعى №707 بۇيرىعىمەن بەكىتىلگەن مەملەكەتتىك ينۆەستيتسيالاردىڭ جانە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن وبەكتىلەر قۇرىلىسىنىڭ قۇنىن ايقىنداۋ قاعيدالارى 1. جالپى ەرەجەلەر 1. وسى مەملەكەتتىك ينۆەستيتسيالاردىڭ جانە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن وبەكتىلەر قۇرىلىسىنىڭ قۇنىن ايقىنداۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 ماۋسىمداعى قازاقستان رەسپۋبليكاسى زاڭىنىڭ (بۇدان ءارى – زاڭ) 20-بابىنىڭ 6-3) تارماقشاسىنا سايكەس ازىرلەندى جانە قۇرىلىستاعى مەملەكەتتىك ينۆەستيتسيالاردىڭ جانە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن وبەكتىلەر قۇرىلىسىنىڭ (بۇدان ءارى – وبەكتىلەر قۇرىلىسى) قۇنىن ايقىنداۋ ءتارتىبىن بەلگىلەيدى. 2. وسى قاعيدالار قۇرىلىستاعى مەملەكەتتىك ينۆەستيتسيالاردىڭ جانە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن وبەكتىلەردى سالۋعا ارنالعان ينۆەستيتسيالىق جوبالاردى ازىرلەۋ مەن جۇزەگە اسىرۋ كەزىندە قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتىن جۇزەگە اسىراتىن سۋبەكتىلەرگە ارنالعان. 3. وسى قاعيدالاردا مىناداي نەگىزگى ۇعىمدار پايدالانىلادى: 1) جوبانى باسقارۋ – سالىنعان بيۋدجەت پەن مەرزىمدەر شەڭبەرىندە ينۆەستيتسيالىق جوبانىڭ ماقساتتارىنا جەتۋ ءۇشىن تاپسىرىس بەرۋشىمەن نە ينۆەستورمەن جاسالعان شارتتارعا سايكەس وبەكتىلەردى جوبالاۋدى, قۇرىلىسىن سالۋدى جانە ولاردى پايدالانۋعا بەرۋدى ۇيىمداستىرۋ, جوسپارلاۋ, ۇيلەستىرۋ, باقىلاۋ جونىندەگى قىزمەت; 2) قۇرىلىس اۋماعىن دايىنداۋعا (يگەرۋگە) جانە وبەكتىنى پايدالانۋعا ەنگىزۋگە ارنالعان جيىنتىق سمەتا – جەردى ءبولۋ, قۇرىلىس اۋماعى مەن پايدالانۋشى پەرسونالىن دايىنداۋ, ىسكە قوسۋ-جوندەۋ جۇمىستارىن جانە پايدالانۋعا مەملەكەتتىك ينۆەستيتسيالار وبەكتىسىن ەنگىزۋدى قامتاماسىز ەتەتىن جابدىقتى كەشەندى بايقاپ كورۋدى جۇرگىزۋ ءۇشىن قاجەتتى قاراجات كولەمىن ايقىندايتىن قۇجات; 3) قۇرىلىس قىزمەتi (بۇدان ءارi - قۇرىلىس) - جاڭا وبەكتiلەر سالۋ جانە (نەمەسە) بار وبەكتiلەردi (ۇيلەردi, عيماراتتار مەن ولاردىڭ كەشەندەرiن, كوممۋنيكاتسيالاردى) وزگەرتۋ (كەڭەيتۋ, جاڭعىرتۋ, تەحنيكامەن قايتا جاراقتاندىرۋ, رەكونسترۋكتسيالاۋ, قالپىنا كەلتiرۋ, كۇردەلi جوندەۋ), ولارمەن بايلانىستى تەحنولوگيالىق جانە ينجەنەرلiك جابدىقتاردى مونتاجداۋ (بولشەكتەۋ), قۇرىلىس ماتەريالدارىن, بۇيىمدار مەن كونسترۋكتسيالارىن دايىنداۋ ء(وندiرۋ), سونداي-اق اياقتالماعان وبەكتiلەر قۇرىلىسىن كونسەرۆاتسيالاۋ مەن ءوز رەسۋرستارىن تاۋىسقان وبەكتiلەردi كەيiننەن كادەگە جاراتۋ جۇمىستارىن جۇزەگە اسىرۋ جولىمەن وندiرiستiك جانە وندiرiستiك ەمەس نەگiزگi قورلاردى قۇرۋ جونiندەگi قىزمەت; 4) قۇرىلىس وبەكتىسى – وعان جاتاتىن بارلىق جايلاستىرۋلارى, جابدىقتارى, جيھازى, مۇكاممالى, وعان جاتاتىن قوسالقى جانە قوسىمشا قۇرىلعىلارى بار, وعان جاقىن جەردە ورنالاسقان ينجەنەرلىك جەلىلەرى جانە جالپى الاڭدىق ماتەريالدارى بار جەكە تۇرعان عيمارات نەمەسە وزگە ماقساتتاعى عيماراتتار مەن قۇرىلىستاردىڭ جيىنتىعى; 5) قۇرىلىسقا سالىناتىن مەملەكەتتىك ينۆەستيتسيالار (بۇدان ءارى – مەملەكەتتىك ينۆەستيتسيالار) – جاڭا ۇيلەر مەن عيماراتتاردى, ولاردىڭ كەشەندەرىن, ينجەنەرلىك جانە كولىك كوممۋنيكاتسيالارىن سالۋعا, سونداي-اق بۇرىننان بار وبەكتىلەردى رەكونسترۋكتسيالاۋعا (كەڭەيتۋگە, جاڭعىرتۋعا, تەحنيكالىق قايتا جاراقتاندىرۋعا) نەمەسە كۇردەلى جوندەۋگە سالىناتىن ينۆەستيتسيالار, ولاردىڭ كوزى: رەسپۋبليكالىق جانە (نەمەسە) جەرگىلىكتى بيۋدجەتتەردىڭ قاراجاتى, ونىڭ ىشىندە بيۋدجەتتىك ينۆەستيتسيالارعا جانە كۆازيمەملەكەتتىك سەكتور سۋبەكتىلەرىنە بيۋدجەتتىك كرەديت بەرۋگە جىبەرىلەتىن نىسانالى قاراجات; مەملەكەت كەپىلدىگىمەن نە مەملەكەت كەپىلگەرلىگىمەن مەملەكەتتىك ەمەس قارىزداردىڭ نىسانالى قاراجاتى; قازاقستان رەسپۋبليكاسى ۇلتتىق قورىنىڭ قاراجاتى; كونتسەسسيالىق جوبالاردى ىسكە اسىرۋعا جىبەرىلگەن قاراجات بولىپ تابىلادى; 6) قۇرىلىستاعى باعا بەلگىلەۋ – قۇرىلىس ءونىمىنىڭ قۇنىن قالىپتاستىرۋ تەتىگى; 7) قۇرىلىستىڭ جوبا الدى سمەتالىق قۇنى – قۇرىلىس جوباسىن ساراپتاماعا ۇسىنۋ الدىندا, ازىرلەۋدى اياقتاۋ ساتىسىندا ايقىندالعان جانە ءتيىستى جيىنتىق سمەتالىق ەسەپتە سيپاتتالعان قۇرىلىستىڭ سمەتالىق قۇنى; 8) قۇرىلىستىڭ ساراپتاما الدى سمەتالىق قۇنى – ءتيىستى جيىنتىق سمەتالىق ەسەپتە سيپاتتالعان قۇرىلىس جوباسى بويىنشا مەملەكەتتىك ساراپتامانىڭ قورىتىندىسىمەن بەكىتۋگە ۇسىنىلعان قۇرىلىستىڭ سمەتالىق قۇنى; 9) قۇرىلىستىڭ سمەتالىق قۇنى – سوماسى جوبالاۋ ماتەريالدارى مەن سمەتالىق-نورماتيۆتىك بازا نەگىزىندە ايقىندالاتىن, وبەكتىنىڭ قۇرىلىسىن جۇزەگە اسىرۋ ءۇشىن قاجەتتى اقشا; 10) مەردىگەردىڭ سمەتاسى (وفەرتا) – مەردىگەرلىك جۇمىستار مەن قىزمەتتەردى ساتىپ الۋ بويىنشا كونكۋرستارعا قاتىسۋ ءۇشىن مەنشىكتى ۇيىمدىق-تەحنولوگيالىق مۇمكىندىكتى ەسكەرە وتىرىپ, ولار جاسايتىن مەردىگەردىڭ كونكۋرستىق ءوتىنىمىنىڭ قۇرامىنداعى سمەتالىق قۇجاتتاما; 11) وبەكتىلەردى سالۋعا ارنالعان جيىنتىق سمەتالىق ەسەپ – ساۋلەت, قالا قۇرىلىسى جانە قۇرىلىس قىزمەتى سالاسىنداعى زاڭنامامەن رەتتەلمەيتىن جانە قۇرىلىس اۋماعىن دايىنداۋعا (يگەرۋگە) جانە وبەكتىنى پايدالانۋعا بەرۋگە جيىنتىق سمەتاعا ەنگىزىلەتىن تاپسىرىس بەرۋشىنىڭ شىعىندارىن قوسپاعاندا, ينۆەستيتسيالىق جوبانى ىسكە اسىرۋعا ارنالعان بيۋدجەتتىك باعدارلاما اكىمشىسىنىڭ بارلىق شىعىندارىنا ارنالعان قاراجات ءليميتىن قامتيتىن قۇجات; 12) رەسۋرستىق ءادىس – قۇرىلىس جوباسىن ىسكە اسىرۋ ءۇشىن شىعىندار (رەسۋرستار) ەلەمەنتتەرىنىڭ اعىمداعى باعالارىندا جانە تاريفتەرىندە كالكۋلياتسيالاۋ ارقىلى قۇرىلىستىڭ قۇنىن ايقىنداۋ ءادىسى; 13) ساۋلەت, قالا قۇرىلىسى جانە قۇرىلىس قىزمەتi سالاسىنداعى ينجينيرينگتiك قىزمەتتەر كورسەتۋ – وڭتايلى جوبالىق كورسەتكiشتەرگە قول جەتكiزۋ ماقساتىندا قۇرىلىستىڭ دايىندىعىن جانە جۇزەگە اسىرىلۋىن قامتاماسىز ەتەتiن قىزمەتتەر كەشەنi (تەحنيكالىق جانە اۆتورلىق قاداعالاۋ, جوبانى باسقارۋ); 14) ساۋلەت, قالا قۇرىلىسى جانە قۇرىلىس iستەرi جونiندەگi ۋاكiلەتتi ورگان - ساۋلەت, قالا قۇرىلىسى جانە قۇرىلىس قىزمەتiن مەملەكەتتiك باسقارۋ سالاسىنداعى باسشىلىقتى جۇزەگە اسىراتىن ورتالىق مەملەكەتتiك ورگان; 15) سمەتالىق قۇجاتتاما – قۇرىلىستاعى سمەتالىق قۇندى ايقىندايتىن قۇرىلىس جوباسى قۇرامىنداعى قۇجاتتاما; 16) سمەتالىق نورمالار – قۇرىلىس, مونتاج جانە باسقا دا جۇمىستاردىڭ قابىلدانعان ولشەۋىشىنە بەلگىلەنگەن رەسۋرس­تاردىڭ (قۇرىلىس قىزمەتكەرلەرى ەڭبەگىنىڭ, قۇرىلىس ماشينالارىنىڭ جۇمىس ىستەۋ ۋاقىتىنىڭ, ماتەريالدارعا, بۇيىمدارعا جانە كونسترۋكتسيالارعا قاجەتتىلىكتىڭ شىعىندارى) جيىنتىعى نەمەسە ەسەپتەۋدىڭ قابىلدانعان بازاسىنان پروتسەنتتە كورىنىس بەرگەن قۇرىلىس كەزىندەگى جەكەلەگەن شىعىستار مەن شىعىنداردىڭ مولشەرىن كورسەتەتىن سالىستىرمالى شامالار; 17) سمەتالىق-نورماتيۆتىك بازا – ماتەريالدارعا, بۇيىمدارعا جانە جابدىقتارعا ارنالعان سمەتالىق نورمالار مەن سمەتالىق باعالاردىڭ جيناعى; 18) سمەتالىق نورماتيۆتەر – قۇرىلىستىڭ سمەتالىق قۇنىن ايقىنداۋ ءۇشىن باعا بەلگىلەۋ مەن سمەتالار بويىنشا جانە مىنالاردى قامتيتىن نورماتيۆتىك قۇجاتتار كەشەنى: وبەكتىلەردى سالۋدىڭ قۇنىن ايقىنداۋ جونىندەگى ادىستەمەلىك نۇسقامالار, نۇسقاۋلىقتار مەن ۇسىنىمدار; قابىلدانعان ولشەۋىشكە بەلگىلەنگەن قۇرىلىستاعى جۇمىستارعا ارنالعان سمەتالىق نورمالار; ەسەپتەۋدىڭ قابىلدانعان بازاسىنان پروتسەنتتە كورسەتىلگەن قۇرىلىستاعى جەكەلەگەن شىعىستار مەن شىعىندارعا ارنالعان سمەتالىق نورمالار; ىرىلەندىرىلگەن سمەتالىق نورمالار; قۇرىلىس رەسۋرستارىنا ارنالعان سمەتالىق باعالار; 19) تاپسىرىس بەرۋشىنىڭ (ينۆەستوردىڭ, قۇرىلىس سالۋشىنىڭ, بيۋدجەتتىك باعدارلامالار اكىمشىسىنىڭ) سمەتاسى – ينۆەستيتسيالىق قىزمەتتى جوسپارلاۋعا جانە مەردىگەرلىك جۇمىستار مەن قىزمەتتەردى ساتىپ الۋ بويىنشا كونكۋرس وتكىزۋ ءۇشىن قۇرىلىستىڭ بارىنشا باعاسىن ايقىنداۋعا ارنالعان مەملەكەتتىك سمەتالىق نورماتيۆتىك قۇجاتتاردىڭ نەگىزىندە جاسالاتىن سمەتالىق قۇجاتتاما; 20) تاپسىرىس بەرۋشى – بيۋدجەتتىك باعدارلامالار اكىمشىسى نەمەسە كۆازيمەملەكەتتىك سەكتور سۋبەكتىسى. 4. مەملەكەتتىك ينۆەستيتسيالاردىڭ نەمەسە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن قارجىلاندىرىلاتىن وبەكتىلەردى سالۋدىڭ رەسۋرستىق سمەتالىق قۇنىن ايقىنداۋ كەزىندە سمەتالىق ەسەپتەر ادىستەمەسىنىڭ, راسىمدەر مەن ناتيجەلەرىنىڭ انىقتىلىعى مەن ترانسپارەنتتىلىگى, سونداي-اق, مەملەكەتتىك-ينۆەستيتسيالىق جوبانى ىسكە اسىرۋدىڭ بارلىق ساتىلارىندا قاراجاتتى جۇمساۋدىڭ ەسەپتىلىگى نەگىزگى تالاپتار بولىپ تابىلادى. 5. قازاقستان رەسپۋبليكاسىنىڭ ازاماتتىق كودەكسى, «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسىنىڭ زاڭى, وسى قاعيدالار جانە زاڭنىڭ 20-بابىنىڭ 23-16) تارماقشاسىنا سايكەس ساۋلەت, قالا قۇرىلىسى جانە قۇرىلىس سالاسىنداعى مەملەكەتتىك نورماتيۆتىك قۇجاتتار (بۇدان ءارى – مەملەكەتتىك نورماتيۆتەر) قازاقستان رەسپۋبليكاسىندا وبەكتىلەردى سالۋدىڭ قۇنىن ايقىنداۋدىڭ نورماتيۆتىك جانە قۇقىقتىق نەگىزى بولىپ تابىلادى. 6. وبەكتىلەر قۇرىلىسىنىڭ قۇنى مىناداي: 1) جوبالاۋ الدى جانە جوبالاۋ (جوبالاۋ-سمەتالىق) قۇجاتتامانى ازىرلەۋ, ساراپتاما جاساۋ; 2) جوبالاۋ, مەردىگەرلىك جانە ينجينيرينگتىك جۇمىستارعا ارنالعان قىزمەتتەردى ساتىپ الۋ بويىنشا كونكۋرستى وتكىزۋ; 3) وبەكتىنى سالۋ; 4) قۇرىلىسى اياقتالماعان وبەكتىلەردى كونسەرۆاتسيالاۋ; 5) وبەكتىلەردى كەيىننەن كادەگە جاراتۋ ساتىلارىندا انىقتالادى. 7. وبەكتى قۇرىلىسىنىڭ قۇنىنا مىناداي: 1) جوبا الدى قۇجاتتاماسىن (تەحنيكالىق-ەكونوميكالىق نەگىزدەمەلەرىن) ازىرلەۋ جانە ساراپتاما جاساۋ بويىنشا; 2) سالالىق زاڭنامالىق نورمالار شەگىندە رەتتەلەتىن بيۋدجەتتىك ينۆەستيتسيالىق جوبالار بويىنشا; 3) قۇرىلىستىڭ سمەتالىق قۇنى بويىنشا شىعىندار كىرەدى. 8. وبەكتىلەردى سالۋعا ارنالعان شىعىنداردىڭ قۇنىن ايقىنداۋ ساتىسىنا بايلانىستى مىنالار جاسالادى: 1) قۇرىلىستىڭ ەسەپتىك قۇنى; 2) قۇرىلىستىڭ جوبا الدى سمەتالىق قۇنى; 3) قۇرىلىستىڭ ساراپتاما الدى سمەتالىق قۇنى; 4) قۇرىلىستىڭ شارت قۇنى; 5) قۇرىلىستىڭ ناقتى سمەتالىق قۇنى; 6) وبەكتىنى سالۋعا ارنالعان مەردىگەردىڭ ناقتى شىعىندارى. 9. مىنالار قۇرىلىس قۇنىن ايقىنداۋ ءۇشىن باستاپقى دەرەكتەر بولىپ تابىلادى: 1) جوبا الدى قۇجاتتامانى ازىرلەۋ ساتىسىندا: ازىرلەۋگە ارنالعان تەحنيكالىق تاپسىرما نەمەسە تەحنيكالىق ەرەكشەلىك; ەسكيزدىك شەشىمدەر (ەسكيزدىك جوبا); ۇقساس وبەكتىلەر بويىنشا دەرەكتەر; 2) جوبالاۋ ساتىسىندا: جوبالاۋعا ارنالعان تاپسىرما; جوبالىق شەشىمدەر (جوبالاۋ قۇجاتتاما); قۇرىلىس ۇيىمىنىڭ جوباسى. 2. وبەكتىلەردى سالۋعا ارنالعان جوبالاۋ الدىنداعى قۇجاتتاما ازىرلەۋ مەن ساراپتاما قۇنىن ايقىنداۋ جانە جوبا الدى ساتىسىندا قۇرىلىستىڭ قۇنىن ايقىنداۋ 10. جوبالاۋ الدىنداعى قۇجاتتامانى (تەحنيكالىق-ەكونوميكالىق نەگىزدەمەلەردى) ازىرلەۋ قۇنى مەملەكەتتىك نورماتيۆتەرگە سايكەس ايقىندالادى. 11. جوبالاۋ الدىنداعى قۇجاتتامانىڭ ساراپتاماسىنىڭ (تەحنيكالىق-ەكونوميكالىق نەگىزدەمەلەردىڭ) قۇنى زاڭنىڭ 20-بابىنىڭ 23-18) تارماقشاسىنا سايكەس ايقىندالادى. 12. جوبا الدى ساتىسىنداعى قۇرىلىستىڭ قۇنى (قۇرىلىستىڭ ەسەپتىك قۇنى) مەملەكەتتىك نورماتيۆتەرگە سايكەس ايقىندالادى. 13. قۇرىلىستىڭ ەسەپتىك قۇنى مەملەكەتتىك ينۆەستيتسيالاردى جوسپارلاۋ, ونىڭ ىشىندە بيۋدجەتتىك جوسپارلاۋ ماقساتىمەن ايقىندالادى. 3. سالالىق زاڭنامالىق نورمالار شەڭبەرىندە رەتتەلەتىن بيۋدجەتتىك ينۆەستيتسيالىق جوبالار شىعىندارىن ايقىنداۋ 14. سالالىق زاڭنامالىق نورمالار شەڭبەرىندە رەتتەلەتىن بيۋدجەتتىك ينۆەستيتسيالىق جوبالار شىعىندار قۇرامىنا مىنالار كىرەدى: 1) قۇرىلىس اۋماعىن دايىنداۋعا (يگەرۋگە) جانە وبەكتىلەردى پايدالانۋعا بەرۋگە ارنالعان شىعىندار; 2) جەرگىلىكتى جەردە جەر ۋچاسكەسiنiڭ شەكارالارىن بەلگiلەۋ ءۇشىن جەرگە ورنالاستىرۋ جوباسىن ازىرلەۋگە نەمەسە جەر-كاداسترلىق جوسپارىن قۇرۋعا ارنالعان شىعىندار; 3) قۇرىلىسقا ارنالعان جەر ۋچاسكەسىن الىپ قويۋ (ساتىپ الۋ) كەزىندە جەر ءۇشىن تولەمدەر; 4) ارحەولوگيا, تاريح جانە مادەنيەت, قالا قۇرىلىسى جانە ساۋلەت ەسكەرتكىشتەرىنىڭ تاريحي-مادەني ساراپتاماسىنا, سونداي-اق, قۇرىلىس الاڭى شەگىندە ارحەولوگيالىق قازبالاردى ورىنداۋعا بايلانىستى شىعىندار; 5) بۇزىلاتىن قۇرىلىستار مەن باۋ-باقشا ەكپەلەرى, ەگىستىك, جەر جىرتۋ جانە باسقا اۋىل شارۋاشىلىعى جۇمىستارى ءۇشىن وتەماقى تولەۋگە, تابيعي ورتاعا كەلتىرىلەتىن نۇقسانعا, زالالداردى جانە شىعىنداردى وتەۋ بويىنشا شىعىندار; 6) وبەكتىنى جوبالاۋ جانە قۇرىلىسى كەزەڭىندە پايدالانىلاتىن جەر ۋچاسكەسىن جالعا الۋ (قۇرىلىس قاجەتتىلىكتەرى ءۇشىن بەرىلگەن قوسىمشا جەر ۋچاسكەسى) ءۇشىن تولەم; 7) توپىراقتىڭ, قۇمنىڭ, ۇساق تاستىڭ ۋاقىتشا كارەرلەرىن بارلاۋعا, بولۋگە جانە ازىرلەۋگە, بولىنگەن كارەرلەردەگى قول قويىلاتىن بونۋستارى مەن كوممەرتسيالىق تابۋ بونۋستارىن تولەۋگە ارنالعان شىعىندار; 8) وبەكتىنى سالۋ ءۇشىن گەودەزيالىق ءبولۋ نەگىزىن (قۇرىلىس تورى, قىزىل سىزىقتار, عيماراتتىڭ (قۇرىلىستىڭ) گاباريتتەرىن ايقىندايتىن باستى ءبولۋ وستەرى, بيىكتىك رەپەرلەر, ينجەنەرلىك كوممۋنيكاتسيالاردىڭ, اۆتوجولداردىڭ, ەلەكترمەن جابدىقتاۋ جەلىلەرىنىڭ, بايلانىستىڭ, سۋ قۇبىرى تراسساسىنىڭ, كارىزدىڭ, جىلۋدىڭ, گازداندىرۋدىڭ باستى وستەرى) قۇرۋعا ارنالعان شىعىندار; 9) قۇرىلىس كەزەڭىندە جەر سالىعىن تولەۋ; 10) جەر ۋچاسكەسىنىڭ راديولوگيالىق جاعدايىن ولشەۋگە ارنالعان شىعىندار; 11) سۋ پايدالانۋدى توقتاتۋعا نەمەسە شارتتارىن وزگەرتۋگە بايلانىستى سۋ شارۋاشىلىعى ءىس-شارالارىنان كەلتىرىلەتىن زالالداردى وتەۋ بويىنشا شىعىندار; 12) پايدالانۋشى پەرسونالدى دايىنداۋعا (وندىرىستىك ماقساتتاعى جاڭادان سالىنىپ جاتقان وبەكتىلەر ءۇشىن) ارنالعان شىعىندار; 13) جابدىقتى كەشەندى بايقاپ كورۋمەن ىسكە قوسۋ-جوندەۋ جۇمىستارىنا, ىسكە قوسۋ-جوندەۋ جۇمىستارى ءۇشىن شيكىزاتقا جانە ماتەريالدىق رەسۋرستارعا, ىسكە قوسۋ-جوندەۋ جۇمىستارىن جۇرگىزۋ كەزەڭىندە پايدالانۋشى پەرسونالىن ۇستاۋعا (وندىرىستىك ماقساتتاعى وبەكتىلەر ءۇشىن) ارنالعان شىعىندار; 14) جەر ۋچاسكەلەرىن ۋاقىتشا جانە تۇراقتى پايلادانۋ قۇقىعىنا اكتىنى دايىنداۋعا جانە بەرۋگە ارنالعان شىعىندار; 15) جىلجىمايتىن م ۇلىك وبەكتىلەرىنە تەحنيكالىق پاسپورت دايىنداۋعا جانە بەرۋگە ارنالعان شىعىندار; 16) جىلجىمايتىن م ۇلىككە قۇقىقتى مەملەكەتتىك تىركەۋگە ارنالعان شىعىندار; 17) ليتسەنزيالىق كەلىسىمدەر جانە ليتسەنزياردىڭ قىزمەت كورسەتۋى بويىنشا شىعىندار; 18) سىرتقى قارىز ەسەبىنەن قارجىلاندىرىلۋى بولجاناتىن شىعىندار. 15. قۇرىلىس اۋماعىن دايىنداۋعا (يگەرۋگە) جانە وبەكتىنى پايدالانۋعا بەرۋگە ارنالعان جيىنتىق سمەتا, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9938 تىركەلگەن «مەملەكەتتىك ينۆەستيتسيالىق جوبانىڭ ينۆەستيتسيالىق ۇسىنىسىن ازىرلەۋ نەمەسە تۇزەتۋ, قاجەتتى ساراپتامالاردى جۇرگىزۋ, سونداي-اق بيۋدجەتتىك ينۆەستيتسيالاردى جوسپارلاۋ, قاراۋ, ىرىكتەۋ, مونيتورينگىلەۋ جانە ىسكە اسىرىلۋىن باعالاۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق ەكونوميكا ءمينيسترىنىڭ 2014 جىلعى 5 جەلتوقسانداعى № 129 بۇيرىعىنا سايكەس, وبەكتىلەردى سالۋعا ارنالعان بيۋدجەتتىك ينۆەستيتسيالىق جوبا تەحنيكو-ەكونوميكالىق نەگىزدەمە جانە/نەمەسە بيۋدجەتتىك ينۆەستيتسيالىق جوبا جوبالاۋ (جوبالاۋ-سمەتالىق) قۇجاتتاما قۇرامىندا, كەيىنگى بەكىتۋمەن سالالىق (وندىرىستىك ماقساتتاعى وبەكتىلەر ءۇشىن) جانە/نەمەسە جانە كەشەندى ۆەدومستۆودان تىس ساراپتامادان وتۋگە جاتادى. 4. وبەكتىنى سالۋدىڭ سمەتالىق قۇنىن ايقىنداۋ 16. وبەكتىنى سالۋدىڭ سمەتالىق قۇنىنا مىنالار ەنگىزىلەدى: 1) مەردىگەرلىك قۇرىلىس-مونتاج جۇمىستارىنىڭ, شىعىندار مەن قىزمەتتەردىڭ سمەتالىق قۇنى; 2) تاپسىرىس بەرۋشىنىڭ جابدىعىنىڭ, جيھازىنىڭ جانە مۇكاممالىنىڭ قۇنى; 3) تاپسىرىس بەرۋشىنىڭ جوبانى جانە تەحنيكالىق قاداعالاۋدى باسقارۋعا ارنالعان شىعىندارى; 4) جوبالاۋ-سمەتالىق قۇجاتتامانى ازىرلەۋ قۇنى, ونىڭ ىشىندە قۇرىلىس ءۇشىن ينجەنەرلىك ىزدەستىرۋلەردىڭ قۇنى جانە جوبالاۋ جۇمىستارىنا ارنالعان شىعىندار; 5) جوبالاۋ-سمەتالىق قۇجاتتامانىڭ ساراپتاماسىنىڭ قۇنى; 6) اۆتورلىق قاداعالاۋدى جۇزەگە اسىرۋعا ارنالعان شىعىندار; 7) تاپسىرىس بەرۋشىنىڭ بولجانباعان جۇمىستار مەن شىعىندارعا ارنالعان قاراجاتتارىنىڭ رەزەرۆى. 17. وبەكتىلەردى سالۋدىڭ سمەتالىق قۇنى نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11905 تىركەلگەن, قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ 2015 جىلعى 3 شىلدەدەگى № 235-نق بۇيرىعىمەن بەكىتىلگەن قازاقستان رەسپۋبليكاسىندا قۇرىلىستىڭ سمەتالىق قۇنىن ايقىنداۋ جونىندەگى مەملەكەتتىك نورماتيۆكە سايكەس ايقىندالادى. 18. زاڭنامادا بەكىتىلگەن تارتىپپەن بەكىتىلگەن قۇرىلىستىڭ ساراپتاما الدى قۇن, مەملەكەتتىك ينۆەستيتسيالاردىڭ ەسەبىنەن نەمەسە كۆازيمەملەكەتتىك سەكتور سۋبەكتىلەرىنىڭ قاراجاتتارى ەسەبىنەن ينۆەستيتسيالىق جوبالاردى ىسكە اسىرۋعا ارنالعان قاراجات كولەمىن ايقىنداۋ ءۇشىن نەگىزدەمە بولىپ تابىلادى. 5. وبەكتىنى سالۋدىڭ شارت باعاسىن ايقىنداۋ 19. قۇرىلىستىڭ شارت باعاسى مەردىگەرلىك جۇمىستاردى جانە قىزمەتتەردى ساتىپ الۋ كونكۋرس ناتيجەلەرى بويىنشا مەملەكەتتىك ينۆەستيتسيالار ءۇشىن مەملەكەتتىك ساتىپ الۋ سالاسىنداعى زاڭناماعا, كۆازيمەملەكەتتىك سەكتور ءۇشىن «ۇلتتىق باسقارۋشى حولدينگ, ۇلتتىق حولدينگتەر, ۇلتتىق كومپانيالار جانە اكتسيالارىنىڭ (قاتىسۋ ۇلەستەرىنىڭ) ەلۋ جانە ودان دا كوپ پايىزى تىكەلەي نەمەسە جاناما تۇردە ۇلتتىق باسقارۋشى حولدينگكە, ۇلتتىق حولدينگكە, ۇلتتىق كومپانياعا تيەسىلى ۇيىمدار جۇزەگە اسىراتىن تاۋارلاردى, جۇمىستاردى جانە كورسەتىلەتىن قىزمەتتەردى ساتىپ الۋدىڭ ۇلگى ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 28 مامىرداعى № 787 قاۋلىسىنا سايكەس كونكۋرستا جەڭىپ شىققان مەردىگەردىڭ ۇسىنعان باعاسىنىڭ نەگىزىندە, تاپسىرىس بەرۋشىنىڭ سمەتاسىندا بەلگىلەنگەن قاراجاتتىڭ شەگىندە ونىڭ سمەتاسى (وفەرتاسى) بويىنشا ايقىندالادى. 20. تاپسىرىس بەرۋشىنىڭ سمەتاسى ەلەكتروندىق فورماتتا كونكۋرستىق قۇجاتتاما قۇرامىندا الەۋەتتى مەردىگەرگە بەرىلەدى. 21. مەردىگەردىڭ سمەتاسى (وفەرتاسى) ەڭبەككە اقى تولەۋ جونىندەگى مەردىگەردىڭ بۋحگالتەرلىك دەرەكتەرى, قۇرىلىس ماشينا­لارىن پايدالانۋدىڭ قۇنى, ناقتى مامىلەلەر, قولدانىستاعى كەلىسىم-شارتتار بويىنشا نەمەسە ولاردى جەتكىزۋگە ارنالعان ۇسىنىستار بويىنشا, ۇستەمە شىعىستارىنىڭ ناقتى دەڭگەيى بويىنشا ماتەريالدىق رەسۋرستاردىڭ قۇنى نەگىزىندە قۇرىلىس رەسۋرستارىن قايتا باعالاپ, تاپسىرىس بەرۋشىنىڭ سمەتاسى بازاسىنداعى اعىمداعى باعالاردا رەسۋرستىق ادىسپەن جاسالادى. 22. تاپسىرىس بەرۋشىنىڭ سمەتاسى بازاسىندا مەردىگەردىڭ سمەتاسىن جاساۋ كەزىندە جوبا بويىنشا جۇمىستاردىڭ اتاۋى مەن ناقتى كولەمدەرى, قۇرىلىس رەسۋرستارىنىڭ نورماتيۆتىك شىعىستارى, جوبا بويىنشا (تاپسىرىس بەرۋشى سمەتاسىنىڭ رەسۋرستىق بولىگى) قۇرىلىس كونسترۋكتسيالارى مەن ماتەريالدارىنىڭ ساپالىق جانە ساندىق قۇرامى وزگەرىسسىز قالادى. 23. مەردىگەرگە ماشينالار جانە تەتىكتەر بولىگىندە, ەگەر ەنگىزىلەتىن تەحنيكا قۋاتى مەن ونىمدىلىگى بويىنشا نورماتيۆتىك ۋاقىتقا اسەر ەتپەيتىن بولسا, تەحنيكالىق سيپاتتامالارى بويىنشا سمەتالىق نورمالاردا قابىلدانعان قۇرىلىس تەحنيكا­سى­نىڭ بىرىكتىرىلگەن تۇرلەرىنە سايكەس كەلەتىن, پايدالاناتىن تەحنيكانىڭ ناقتى ماركاسىن كورسەتۋگە رۇقسات ەتىلەدى. سونداي-اق, مەردىگەر جۇمىستاردىڭ ناقتى تۇرىندە ولاردىڭ ۇلەسى رەسۋرستاردىڭ ءتيىستى توبىنىڭ جالپى قۇنىندا 5% اسپايتىن, قوسالقى تەحنو­لوگيالىق فۋنكتسيالاردى ورىندايتىن «وزگە» (قوسالقى) ماتەريالداردىڭ, «وزگە» (قوسالقى) قۇرىلىس ماشينالارى مەن تەتىكتەرىنىڭ پوزيتسيالارى بويىنشا ءوزىنىڭ نۇسقاسىن ۇسىنا الادى. وزگە رەسۋرستاردىڭ نۇسقالارىن مەردىگەر ساپاسىن ناشارلاتپاي جانە تەحنولوگياسىن بۇزباي, جەكە پراكتيكانى ەسكەرە وتىرىپ, ساراپتامالىق باعالاۋ ادىسىمەن قالىپتاستىرادى. 24. تاپسىرىس بەرۋشىنىڭ جانە مەردىگەردىڭ سمەتالارىنداعى ءتيىستى جۇمىستار مەن شىعىنداردىڭ بىرىڭعاي قۇنىن سالىستىرۋ نەگىزىندە شارت باعاسىنىڭ قۇرامىندا تاپسىرىس بەرۋشى سمەتاسىنىڭ بارلىق پوزيتسيالارى (جۇمىستار جانە جەكە شىعىندار) بويىنشا جەكەلەگەن شارت باعالارىنىڭ كاتالوگى جاسالادى جانە بەكىتىلەدى. جەكەلەگەن شارت باعالارى قوسىلعان قۇن سالىعىنسىز بارلىق ءتيىستى قوسىمشا ەسەپتەرمەن بىرگە جوبا بويىنشا جۇمىستاردىڭ قابىلدانعان بىرلىگىنە تەڭگەدە جاسالادى. بۇل جەكەلەگەن شارت باعالارىنىڭ كاتالوگى ورىندالعان جۇمىستار ءۇشىن تاپسىرىس بەرۋشى مەن مەردىگەردىڭ اراسىنداعى ءوزارا ەسەپ ايىرىسۋ كەزىندە نەگىز بولىپ تابىلادى. 25. مەردىگەردىڭ ناقتى دەرەكتەرى بويىنشا ايقىندالاتىن قۇن كورسەتكىشتەرىن قوسپاعاندا, نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11905 تىركەلگەن, قازاقستان رەسپۋبليكاسى ۇلتتىق ەكونوميكا مينيسترلىگىنىڭ قۇرىلىس, تۇرعىن ءۇي-كوممۋنالدىق شارۋاشىلىق ىستەرى جانە جەر رەسۋرستارىن باسقارۋ كوميتەتى توراعاسىنىڭ 2015 جىلعى 3 شىلدەدەگى №235-نق بۇيرىعىمەن بەكىتىلگەن قازاقستان رەسپۋبليكاسىندا قۇرىلىستىڭ سمەتالىق قۇنىن ايقىنداۋ جونىندەگى مەملەكەتتىك ءنورماتيۆتىڭ نەگىزگى ەرەجەلەرى, تالاپتارى, شارتتارى جانە شەكتەۋلەرى ساقتالىپ, مەردىگەردىڭ مەنشىكتى ۇيىمدىق جانە تەحنيكالىق مۇمكىندىكتەرى ەسكەرىلە وتىرىپ, مەردىگەردىڭ سمەتاسى جاسالادى. 26. كونكۋرس اياقتالعاننان كەيىن ءوتىنىمنىڭ قۇرامىندا تاپسىرىس بەرۋشىگە (كونكۋرستىق كوميسسياعا) ۇسىنىلعان مەردىگەرلەردىڭ سمەتالارىنىڭ ەلەكتروندىق كوشىرمەلەرى كونكۋرستىڭ ناتيجەلەرى رەسمي جاريالانعان كۇنىنەن باستاپ ءۇش جۇمىس كۇننەن اسپايتىن مەرزىمدە ۋاكىلەتتى ورگانعا جانە (نەمەسە) ولار ايقىنداعان سمەتالىق نورماتيۆتەردى ازىرلەۋ جونىندەگى فۋنكتسيالاردى جۇزەگە اسىرتىن ۇيىمعا بەرىلەدى. الىنعان اقپارات سمەتالىق نورماتيۆتەردى ازىرلەۋ جانە جەتىلدىرۋ بويىنشا جۇمىستاردىڭ ماقساتتارى مەن شەگىندە عانا پايدالانىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 26 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12527 بولىپ ەنگىزىلدى.